Bibêm ku

Bibêm ku ji wextan êvareke nîsanê ye
Ji te difûre bayê herî hênik
Di te de temaşe dikim behra herî şîn
Di te de digerim daristana herî talde
Min ji te çirpand kulîlka qet naçilmise
Min di te de ajot zeviyên herî bi bereket
Min ji te tahm kir fêkiyên çar demsalan

Bibêm ku ji bo min tu
Qasî hewayê lazim
Qasî nan pîroz
Tişteke wek avê ezîz î
Ji nîmetê yî, ji nimetê yî!

Bawer ke evîndara min bawer ke
Bihara baxçeyê min, şahiya mala min tu yî
Û tu yî di sifreya min de şeraba herî kevn
Bihêle ez bibêjim xweşikbûna te
Bi ba, çem û çivîkan re
Ji rojan rojekê
Eger tu dengê min nebihîzî
Di nav dengên ba, çem û çivîkan de
Bizanibe ku ez mirime
Lê dîsa jî li ber nekeve, frîqet be
Ez ê di gorê de, bi kêzikan bidim jiberkirinê xweşikbûna te
Û paşê
Gava carek din, te dengê min bihîst di bin quba şîn de
Bi bîr bîne ku roja mehşerê ye
Bi naverastê ketime li te digerim.

Werger: Receb Dildar