Eger ko tu rojekê rastî jineke xemgîn hatî!

Eger ko tu rojekê
Rastî jineke xemgîn hatî
Jê re nebêje:
Xweda bi te re be...
Xweda alîkar be...
Xweda te ji xemgîniyê rizgar bike...
Na,
Na wisa nebêje!

Bi dilekî germ
Wê himbêz bike
Û jê re bi dizî bibêje:
Tu jina herî bedewî di cîhanê de
Û çavên te xweştirîn çavên jinan e
Û gava tu bikenî
Gulên kenê te dê li hemû deveran
Bipişkivin.

Tu yê bibînî ko çawa evîn
Di rûyê wê de dê vebirûse
Û çawa giyanê wê dê geş bibe
Û çawa ewê xemgîniya xwe
Bi lez ji bîr bike.

Destpêk Helbest Husên M. Hebeş Eger ko tu rojekê rastî jineke xemgîn hatî!